O Concello de Taboadela organiza o “Campamento de Verán 2025” coa finalidade de proporcionar actividades de carácter educativo e lúdico e facilitar a conciliación da vida laboral, familiar e persoal ao longo das vacacións de verán de xullo e agosto.

Creemos necesario dinamizar o concello con actividades infantís no periodo das vacacións escolares. Nese periodo, moitas familias teñen grandes dificultades para conciliar a vida laboral e familiar, precisando algún tipo de atención para os seus fillos e fillas. Ademáis queren que poidan divertirse, aprender a relacionarse cos demais, compartan actividades, gañen en autonomía e sobre todo vivan novas e enriquecedoras experiencias. Por eso consideramos
necesario dende o Concello organizar un campamento de Verán para os nenos e nenas doconcello. Para desenvolver as diferentes actividades contratase como sempre a monitores/as especializados/as.

O número de prazas que conta o “Campamento de Verán 2025” será de 48 prazas por quenda. Será preciso un número mínimo de 10 nenos/as por quincena para que se desenvolva o campamento. As prazas asignaranse por orde de inscrición tendo en conta os requisitos e prioridades descritos no apartado 4 das presentes bases.

– QUENDAS
1º quincena de xullo (1 a 15 de xullo)
2º quincena de xullo (16 a 31 de xullo, agás o día 25 por ser festivo autonómico)
1º quincena de agosto (1 a 15 de agosto, agás o día 15 por ser festivo)
2º quincena de agosto (18 a 29 de agosto)

– PERSOAS DESTINATARIAS:
4.1.-Requisitos. Poderán solicitar a súa participación no “Campamento de Verán 2025” os nenos e nenas entre 4 e 16 anos de idade.
Entre aqueles participantes que cumpran os requisitos citados, terán ademais PRIORIDADE aqueles nos que se de algunha das seguintes circunstancias (que deberán estar formalmente acreditadas):
 Empadroados no Concello de Taboadela
 Familia monoparental
 Familia numerosa
 Vítima de violencia de xénero en calquera das súas formas
 Mulleres en situación de desemprego de longa duración
 Mulleres maiores de 45 anos
 Familias nas que existan outras cargas relacionadas cos coidados
 Familias con rendas inferiores a 3 veces o IPREM. (unidade familiar cuns ingresos anuais
inferiores aos 21.600 euros).
De quedaren prazas valeiras valorarase a posibilidade de permitir a entrada a solicitantes que non cumpran os requisitos establecidos en función da capacidade do Concello de Taboadela e a organización e funcionamento do campamento.
4.2.- As persoas que teñan unha discapacidade igual ou superior ao 33% poderán participar nesta convocatoria sempre que teñan capacidade de integración nun grupo e que as súas necesidades especiais lles permitan participar e beneficiarse das actividades que se van desenvolver, o que deberá ser acreditado mediante informe médico, educativo ou social.

– LUGAR DE CELEBRACIÓN E HORARIO
O campamento desenvolverase de luns a venres en horario de 09:00 a 14:00horas no Pavillón de deportes de Taboadela e demáis enclaves do concello. Realizaranse saídas en cada quincena que serán comunicadas as familias ao inicio do campamento. As familias asumirán os custe das entradas de ser o caso. Aquelas familias que non desexan participar non terán alternativa ese día.

SOLICITUDES
A solicitude para os beneficiarios formalizarase no formulario normalizado que figura como“Solicitude Campamento Verán”, e que estará dispoñible nas dependencias do concello deTaboadela e na web do concello de Taboadela, www.concellodetaboadela.com e na sede electrónica do Concello de Taboadela e serán presentadas no Rexistro Xeral, nas oficinas Concello de Taboadela (de luns a venres en horario de 09:00 horas a 14:00 horas, e luns pola tarde de 16:00-20:00 horas.), ou pola Sede electrónica deste concello dende ás 9:00 horas do día 19 de maio ata o día 30 de maio incluído. 

As persoas interesadas deberán achegar a seguinte documentación ( non se farán fotocopias nas oficinas, para axilizar o procedemento):
– Solicitude de inscrición asinada obrigatoriamente polo pai/titor e pola nai/titora.
– Fotocopia do DNI da persoa menor ou, no seu defecto, fotocopia do Libro de Familia .
– Fotocopia do DNI dos proxenitores ou dos TITORES que asinan a solicitude.
– Fotocopia da tarxeta sanitaria da persoa participante.
– Certificado médico no caso necesario.
– Información sobre protección de datos.
– De ser o caso, haberá que presentar a seguinte documentación xustificativa de diferentes circunstancias a ter en conta:
o Documentación xustificativa de familia monoparental.
o Documentación xustificativa de familia numerosa
o Documentación xustificativa de situación de vítima de violencia de xénero
o Documentación xustificativa de ser muller en situación de desemprego de longa duración
o Documentación xustificativa de ser muller maior de 45 anos.
o Documentación xustificativa de que existen outras cargas relacionadas cos coidados no núcleo familiar.
o Certificado acreditativo do grao de discapacidade e copia do ditame técnico facultativo, emitido polo equipo de valoración e orientación correspondente.
o Documentación xustificativa de ter ingresos familiares inferiores a 3 veces o IPREM (unidade familiar cuns ingresos anuais inferiores ós 21.600 euros).

-PRAZOS
O prazo para presentar as solicitudes comezará o día 19 de maio e rematará o día 30 de maio de 2025, ámbolos dous incluídos dende ás 9:00h( tanto presencialmente como pola sede electrónica) . Fóra de prazo aceptaranse solicitudes de novo ingreso no servizo cando existan circunstancias
sociofamiliares especiais, debidamente xustificadas e haxa plazas. 

Listado provisional de admitidos/as: publicarase o día 6 de xuño de 2025 no taboleiro de anuncios da sede electrónica do Concello de Taboadela . (Non aparecerá relación de datos persoais , cada solicitude identificarase/ figurará co número de rexistro de entrada de dita solicitude).
Listado definitivo de admitidos e admitidas publicarase no taboleiro de anuncios da sede electrónica do Concello de Taboadela o día 13 de xuño e no taboleiro de anuncios do Concello.
Os/as solicitantes non admitidos pasarán a formar parte dunha listaxe de agarda.
En función das baixas que se produzcan na actividade, os nenos/as accederán ao campamento seguindo a orde na que figure na listaxe, o que será debidamente notificado por teléfono e/ou correo electrónico.

– PROCEDEMENTO DE CONCESIÓN DE PRAZAS
Unha vez rematado o prazo de presentación de inscrición, adxudicaranse as prazas por orde de rexistro, tendo en conta os requisitos e prioridades descritos no apartado 4 das presentes bases. No caso de que o número de solicitudes sexa superior o de prazas ofertadas, terán preferencia os/as nenos/as empadroados/as no Concello de Taboadela, así como os/as nenos/as que teñan 1 pai/nai/tutor/a empadroado/a no Concello de Taboadela cunha antigüidade de 6 meses. Tamén terán preferencia as solicitudes múltiples (dous ou máis irmáns) sobre as individuais.

Os/as solicitantes non admitidos pasarán a formar parte da listaxe de AGARDA. As solicitudes fóra de prazo indicado estarán suxeitas á existencia de prazas libres.

– PREZO
O custo da praza por solicitante é de 25 euros por neno/a e quenda.
TARIFA BONIFICADA
Bonificación: As familias numerosas e monoparentais empadroadas no concello terán dereito a unha gratuitade no terceiro irmán.
Exención: Gozarán da exención deste prezo público os menores que no seu caso sexan derivados polo Departamento de Servizos Sociais do Concello.

– PAGAMENTO
Os admitidos deberán realizar o pago das taxas dende o 13 de xuño ao 20 de xuño e entregar o xustificante de pago no concello.
No caso de non abonarse o importe no prazo sinalado entenderase como unha renuncia e a lista correrá segundo a orde que resulte da entrada por rexistro.
O pago é requisito imprescindible para poder asisitir ao campamento e debe realizarse na seguinte conta do Concello: ES02 2080/5258/6431/1013/0567, mediante ingreso ou transferencia, indicando en concepto: “Campamento de Verán” e o nome e apelidos do MENOR ADMITIDO. ( PRAZO 20 DE XUÑO).

RENUNCIA DE PRAZA
As persoas solicitantes que, tras obter praza desexen renunciar a ela ANTES DE COMEZAR O CAMPAMENTO, deberán comunicalo por teléfono ao 988439315 ou por correo electrónico ao seguinte enderezo electrónico c o n c e l l o . t a b o a d e l a @ e i d o l o c a l . e s antes do día 1 de xullo.
– REVOGACIÓN DO SERVIZO

Perderase a condición de beneficiario/a:

a) Por falta de pago.

b) Por renuncia do beneficiario/a.

c) Por incumprimento das normas que establece o servizo.

.DEVOLUCIÓN DO IMPORTE
Unha vez realizada a inscrición e o correspondente abono para participar na actividade, só se procederá a devolución do importe ingresado, si se xustifica con anterioridade ao inicio do campamento (mínimo 48 horas antes) e MEDIANTE CERTIFICADO MÉDICO, que acredite a imposibilidade de asistir ao campamento. A presentación de solicitude farase por escrito. En caso contrario non procederá a devolución do importe.

– INFORMACIÓN ADICIONAL
As bases para o campamento da presente convocatoria se atopan no taboleiro de anuncios da sede electrónica do Concello de Taboadela.
A hora de entrada máxima será ata ás 10:00h. e a hora de saída realizaranse a partir das 13:30h. para evitar interromper o desenvolvemento das actividades.
No caso de que o comportamento dun neno/a afecte ó normal funcionamento da actividade, procederase a avisar a familia e a dar o/a neno/a de baixa. Esta baixa do neno/a non da dereito á devolución do importe pagado.

Concello de Taboadela
Concellería de Ocio, Xuventude e Tempo de lecer.
Teléfono de información: 988 439 315
Correo electrónico: concello.taboadela@eidolocal.es

Modelo de solicitude Campamento Verán 2025