De conformidade co previsto no artigo 133.1 da Lei 39/2015, de 1 de outubro, do Procedemento Administrativo Común das Administracións Públicas, co obxectivo de mellorar a participación dos cidadáns no procedemento de elaboración de normas, con carácter previo á elaboración do proxecto de Ordenanza Municipal sobre AXUDAS DE EMERXENCIA SOCIAL CONCELLO DE TABOADELA, solicítase a opinión dos suxeitos e das organizacións máis representativas potencialmente afectados pola futura norma acerca de:
a) Os problemas que se pretenden solucionar coa iniciativa.
b) A necesidade e oportunidade da súa aprobación.
c) Os obxectivos da norma.
d) As posibles solucións alternativas regulatorias e non regulatorias.
Os cidadáns, organizacións e asociacións que así o consideren poden facer chegar as súas opinións sobre os aspectos expostos no seguinte cuestionario durante o prazo de dez días a contar desde o día seguinte ao de publicación do presente anuncio na web municipal, mediante a súa presentación en calquera dos lugares indicados no artigo 16 da Lei 39/2015, de 1 de outubro, do Procedemento Administrativo Común das Administracións Públicas.
| Problemas que se pretenden solucionar coa iniciativa | Conciliación da atención as persoas en situación de emerxencia social coa normativa e os procedementos propios da administración e os que son de aplicación nestes casos. |
| Necesidade e Oportunidade da súa aprobación | Atención as pesoas en situación de emerxencia social |
| Obxectivos da norma | Reunión da atención efectiva ás necesidades sociais e cumprimento normativo, poñendo especial énfase na axilidade do procedemento xa que unha parte importante da eficacia da prestación económica reside en que poida ser cuberta de inmediato. |
| Posibles solucións alternativas regulatoria e non regulatorias | Resulta preciso aprobar una Ordenanza Municipal Reguladora das Axudas de Emerxencia Social porque actualmente este municipio carece de toda clase de regulación. |
