concello.taboadela@eidolocal.es   |   +34 988439315
Redes Sociales :-

Taboadela

Situación e características xeográficas
O Concello de Taboadela está situado o sur de Galicia e o suroeste da provincia de Ourense, da que administrativamente forma parte. Limita polo norte co Concello de San Cibrao das Viñas; polo leste co Concello de Paderne de Allariz e o Concello de Allariz; polo Sur co Concello de Allariz e polo oeste co concello de A Merca.
A situación xeográfica é : latitude, 42º 14´ , norte, e a lonxitude de 7º 49´, oeste, sendo a altura sobre o nivel do mar de 388 metros.

Forma parte hidrográfica da rede do Miño a través do río Barbaña xunto con outros pequenos regatos. A altitude media do termo municipal e de 400 metros. con pequenas elevacións que chegan ata os 688 metros.
En canto as comunicación conta co autovía A 52 que pasa por este concello xunto coas estradas principáis N 525 e OU 320 ademáis das estradas e camiños municipáis. Conta tamén cunha estación de ferrocarril na liña Zamora Ourense.

Antecedentes a constitución do Concello de Taboadela
No primeiro tercio do século XIX no concello de Taboadela e o seu termo, houbo dous agrupamentos constitucionais que foron TOUZA E RABEDA, os dous pertecentes o partido xudicial de Maceda de Limia.
O concello da Rabeda comprendía as parroquias de Augasantas, Taboadela, Couciero e Rabeda. O da Touza comprendiá as parroquias de Touza e Torán, mentras que as parroquias que faltan de Soutomaior e a Mezquita pertencián o de Queiroanes.
Coa Reforma Xudicial de 1834 o concello de Taboadela pasou do partido xudicial de Maceda de Limia o de Allariz. Despois tivo lugar a división municipal do R.D. de 23 de Xullo de 1835.
A lista dos novos concellos xa instalados e coa a aprobación de S. M. foi publicada no que se refire ao partido xudicial de Allariz no BOPOR número 52 do 1 de Xullo de 1836, e nela aparece o concello de Taboadela da forma seguinte:

PARROQUIAS (XURISDICCIÓNS)
San Miguel de Taboadela (Allariz)
Soutomaior Santiago (C. de Soutomaior)
Rabeda Santiago (Allariz)
Touza San Jorge (S. Jorge de Touza)
Torán Santa María (Torán)

Hoxe en día no concello de Taboadela contamos cunha parroquia máis, a de Santa María de Mesón de Calvos, a cal foi creada polo bispo de Ourense na relación emitida o Ministerio de Xustiza o 21 de Marzo de 1953 e que foi segregada da parroquia de San Jorge de Touza.

Historia do escudo

O concello de Taboadela tivo en conta para a formación do escudo cinco feligresías históricas: Rabeda, Soutomaior, Taboadela, Torán e San Xurxo de Touza, xunto coa última parroquia creada que é a de Santa María de Mesón de Calvos.

Alternativa relixiosa, según das advocacións establécense catro particións:

1.- Anagrama de María (Torán e Mesón de Calvos);
2.- Lanza de San Miguel (Taboadela e San Xurxo de Touza); 3.- Cruz de Santiago (Rabeda e Soutomaior);
4.- Torre de Torán.

O escudo actual, que ten oficialmente recoñecido, é o que foi aprobado polo Decreto da Xunta de Galicia 139/1985 do 23 de maio, publicado no DOGA, número 135 do 16 de xullo de 1985.